Tenla agütsüba ajanga tenüng asangba (T.KEN 100:4)

Tejen Lai mapang nung Tsüngremer nüburi shiruru tenla sabangi bener arua Tsüngrem nem tenla agütsü. Tanü asenoki Kibuba shiruru tasü masü, asenoki taküm aliba tenla Kibuba nem agütsür. Laishiba nung Tsüngrem nem tenla agütsüba balala indang jembir.
Tenüngsang agütsüba tenla (Ibri 13:15). Kodang asen tebang agi Pai kechi inyak aser Pa shiba indang tenüngsanga jembidir, asenoki tenüngsang agütsüba jagi Pa peladaktsür. Temulungjang teraksa tenla asenoki agütsür (T.Ken 51:17). Asenoki asen temang taküm aliba tenla ka ama Pa nem agütsütsüla (Rom 12:12). Mapa tajung tenla agütsüba lir (Matt. 5:16; Ibri 13:16). Tenla agütsüba tenla lir (Fil. 4:18). Kodang asenoki asen sen, mapang, rongsen aser tashi tangar den lemsatepdir, asenoki Tsüngrem dangi tenla abener.
Nai Pa sentsüwangshi asoshi tenlar asü masü ne taküm reprangdangang. Teinyaktsü mapa aika atadagi, aser tejangja mapa kar inyaktsü nübusen ka asütsü akok.
Tsüngremi nai inyaktsü yuja aliba mapa inyakdakji nai metetta lir ma? Pai agütsüba sempetji nai amshidir ma? Ne tenüng asangba tenla Tsüngrem nem agütsüdir ma? Pa nem sentsüwangshi bener arutsütsü aser tangar tenzüktsü ne tenüng asangba tenla Tsüngrem nem agüjang.