Tenük tashi itTa alitsü chiyungtsü pongu yamai lemsateper

1.     Spinach: Vitamin C, beta carotene aser wakong (lutein & zeaxanthin) sentsü peria aliba, iba süngolemba dak anüng sentsü noklang nung shilem 40 nungi 90 tashi atsüzüktettsüsa nutrients keta lir aser ibaji asen tenük asoshi ‘sunscreen’ ama mapa inyaker. Chi chiyungdang iba ya metepba mesüra entsü den mapang tatsüka sanger achiba ajanga asen tenük nung teyari tulu agütsütsü.
2.     Carrots: Iba chiyungtsü nung beta carotene kanga sashia lir aser iba jagi tashidak agi kongshinüa aliba shilem anepdaktsür. Carrot ya tenük asoshi chiyungtsü tajungtiba rongnung ka lir. Iba chiyungtsü ya tazü achiba ajanga teyari tuluba agütsür.
3.     Entsü:Entsü kosen nung wakong sentsü den zinc kanga talubusa aliba ajanga tashidak agi kongshinüa aliba tesemtem anepdaktsür aser tenük tashi itdaktsür.
4.    Almonds: Bushisüngdangertemi ashiba agi almond ya vitamin E agi sünga lir aser ibaji ajanga tashidak agi kongshinüa aliba tesemtem anepdaktsür. Almond tekapu ka achiba ajanga anogo shia asen temang nung nüngdakba vitamin E tesadang ka peridaktsür.
5.     Sweet potatoes: Iba shi nunga beta carotene keta lir aser ibaji ajanga tenük tashi itdaktsür. Iba den iba chiyungtsü aachiba ajanga aonung tesangwa kanga tejangja masüba tesem nunga asen tenük agi junga ngudaktsür, ta scientist temi ashi.
Source : Internet