Tenükmerem

– R.Imkong Lkr, 4th Mile, Diphupar: Dimapur.

Tenükmerem, tetezü tenük temerem aliba sentsü dangji tenükmerem ta ajabaji kanga tongmelang o lir, saka shidakba tetezüjibo English oshi nung “Jealousy” ta ajaba ya lir. Kechiba asen Ao oshi nung tenükmerem ta ajar ? Iba ya ojang, oren ka, ana agi angatettsü merangdi. Reprangang, tzümartem Hindu, Muslim, Sikhs nungertemi tenük nung mozü tapu, tapu nüa-ateper, koba agi parnok tenük sentsütem melenshir. Tatishitsü agi, parnok tenük kar tanak alir, kar temeremsu alir, kar temeru alir, kar tenenya alir etc. Yamaji parnok tetsürtem balaka sentsü tapu maina atepba agi parnok tenük temerem, tenükmerema akümbajibo sentsü atepba agi masü, saka kodangsa kibong kar nung nisung asüama atalokdir idangjia junga memejanger aser tenük nung tashi mait akümba ajanga, par kinungertem tu tenük meremmerema akümer. Aser ano kodangsa sati benjung lidir anasa pur mesüra kiyonger tanupurtem tu soruchioktsü mapa lemzüker aser parnok tu mimong anasa mener soruchiokdang mokozü agi tenük kanga junga azür aser tenük tu merema akümer, iba dangji-ang tenükmeremogo ta shirnokisa pa tu ajurudir ashir. Anungji tenükmeremba shidakbajibo iba dangjiang ajar. Aser ano shidi süra English oshi agi “Jealousy” ta ajaba yaa “direct meaning” agütsüdi asünungbo “Red Eye” ta ajatsü akok.
Tenükmerem tetezü ya yamai ratettsü akok. Asenoki oset ana mesüra taküm ana indang khen bilemdangdi. Tenükmerem ya tenük jaluba nungi adoker. Oda oset tajung ana aka nung ibaiang agidisü mesüra kabajiang agidisü ta ratamata bilemer. Tatishitsü agi, azü chanu mesüra ak chanu ana medemer ka kidang tayoktsü ali nung, ner medem nungbai ner aginüba ka bener oang ta shira, shiruru chanuji poshia meimshia kazür koba dak tenük tera jalokdir, ibaji pua bener aor. Saka mapang tatsüka lir külen nai bener aoba ak chanu mesüra azü chanu tu temang tera meshidaki akümer mesüra yimra agi tera atonger, idangji oda ni doktsür aruba tu-ang bener aru tajungba süla nung ta rataa bilemer. Iba dangji tenük jaluba mesüra tenükmeremba ta ajatsü akok. Kechiyong tena ya kanga anasatepa lir.
Tanabuba nung tenük jaluba indangsa tatishitsü ka shiner, oda ibai-ang agidisü mesüra oda ibajiang kü indang, kü meyong ta sünüali ta bilemer, saka tatem nung pai aji mengutet nung jashia tenüngmenük, nüngsen kumen o jembiba mesüra nisung ka atalaja menütsüba ya lir.
Tanabuba nung tenük jaluba indangsa tatishitsü ka shiner, oda ibaiang agidisü mesüra oda ibajiang kü indang, kü meyong ta sünüali ta bilemer, saka tatem nung pai aji mengutet nung jashia tenüng menük, nungsen kumen o jembiba mesüra nisung ka atalaja menütsüba ya lir. Saka shidakba agibo pai paji mesüra laji, mesüra osetji aginer saka mengutetba agi mesüra pa meyong mekümtetba agi tatem nungbo atalaja menütsüba mesüra sensatsüba dangji tenükmerem ta ajar.
Tenükmerem ya English oshi nunga jatsüdi asünungbo “Red Eye” ta ajatsü koka lir, saka “Jealousy” ta-ang ajar. Anungji asen Aor tetsü-tebou mapang nungi Ao oshi nung olong balaka agütsüba mesüra jatsüba ya “Automatic words” tetezü aika aketba jembir. Yamaji asen Ao oshi yaa khen ashitsü agibo angatettsüji saksaker, saka iba oshijiang takar ta ajar. Asen Aori tenükmerem ta jembiba o ya o-pelep jembiba o lir, aser o pelep tetezüji o pelepa langkoshi mesüra ano tanga lenmang kati jembiba dang ajar. Tenükbo akhi tenük ama tang junga lir, saka tenük merem ta jembiba oji khen ashitsü agibo, angatettsü sak-saker ta bilemer.