Tenyimi linük tenzükertemi 3rd August terenemba nungiter

Dimapur, July 17 (TYO) : Tenyimi National Workers’ Forum kübok Naga kintem rongnung Angami Region, Chakhesang Region, Pochury Region, Rengma Region, Shepoumaramth Region, Makuilongdi ZLR Region, Asalu ZLR Region, Zeilad ZLR Region, Naga Rengma Hills Central Administered Area, Maram Thangal Central Administered Area) nungertem lir aser parnok telongjemi 2015 küm 3rd August nung India government aser NSCN-IM na tsüngda renemba ken o nungittsü aser ato kilonser Th. Muivah-i anir India den ken o jembia telemtetba agiba nung adentsü telemtetba agiogo.
Tenyimi National Workers’ Forum-i NSCN Collective Leadership kübok Naga yimten temeten indang jembiba nung adentsü aser  2005 küm Hebron camp nung 4 buba Naga People’s Consultative senden alidang NSCN nem Naga yimten latettsü tashi agütsüba asoshi pelar ta metetdaktsü.
Telemtetba arudang shitak timi agizüktettsü atema shirnoki Naga yimten telemtetba kati marudaktsütsü asoshi inyaker, parnok anema inyak tenzüktsü ta TNWF telokisa metetdaktsü.
Parnokisa Naga nungertem dang Naga nunger rongnung putepshir telemtetba bushitsü asoshi ajaki akok tashi shilem agidaktsüner ta metetdaktsü.