Tenyiphe nung tasümang ka angu

Dimapur, Metsüremi/March 12 (TYO): Tenyiphe – I ‘D’ Khel kübok tzülu ka nung 11.03.2019 nü mejangjaba non-local tetsür (arishi küm 28 shi) tasümang ka ngua liasü, ta osang ajanga metetdaktsü. Tasüla ya navy blue aser pink sentsü kurta, pant tanak den black aser pink sentsü slippers aser teka anaprongla nung hon sentsü juri semloker liasü.
Police-i tim teinyaktsütem achaayanga agiba sülen tasümang jangjashitsü atema District hospital morgue nung bener oa yutsü.
Tetsürla tasümang agizüktsü atema kinungertem mesüra medemertemi Women Police Station, Officer-in-Charge den tongtepratepang.