Tenzüker Alokba’er arogo nung Mothers’ day sempet alemba yimya

Medemer : Alokba, tanü mothers’ day sentep nung sempet alemdang to nebutsü bo nokdaka manguato, koda asü?
Alokba : Aya! medemer, kuna kibong kümer joko küm ter tema arur saka tang tashi tanur kata mangur aja, iba jagi la menokdakba dangar.
Medemer : Tanur masoyonga kibong kümtajibo ajak asoshi tetsü ka ato? Taruba küm nungibo nokdakangma. Kechiba tang tashi tanur masor ?
Alokba : Yabo meshiner ako, saka medemer asuba agi ashir; La aiwa asudang nungi joko temo teso ajak  temer liasu, aji sür ang kuna ajurutepa ali. Oda Tsüngrem tenzükba tila ka nung aliba agi aremzüker dang aja.. aser ano la ya tebu mesük tepang temelia kanga mazüokba yagi ni mepelar aser tangar danga aaker.
Medemer : Hauja, na ya temeimtsüka dang aja, Alokba! Saka lai menokdakbaji kar dang mepelaba ka alitsü amaia, kü dang ajia odang shiadokang.
Alokba : Kum ishika tejaklen asen Arogo nung sayutsüngir kati kibong akümyonga tanur masorjibo tetsü ka masu ta ashiba agi joko Mothers’ Day nung kodanga menokdaker adi sala !
Medemer : Ooh!  Alokba!!!

Lilir: E-mail