Tepu anepalutsü tasa kar

Anogoshia asen tepu anabenbosa meyutsü nungdaker ta ajaki meteta lir. Pei tebang merüka ayuba aser mapang shia pei dentist semdangba dak alaka, asen tepu anepalutsü lenmang aser tasa jenti lir. Asen tepu anepaluba ajanga tepu ashiba aser temulungjang tashidak benokba densema, asen timtem jenti nungi kümzüka alitsü.
Asen tepu junga anepalutsü tasa kar yangi lemsateper:
#     Anogoshia talisa, chiyonger külen aser yipdeni aiba jakdang tepu tajemba agi anabenbosa meyudoktsüla.
#     Anogo nung kenbosa tepu meyudokba lisü amshia, tepu nung aliba jana indoktsüla.
#     Tepu shizüka aoba nungi kümzüktsü asoshi fluoride densemba toothpaste amshitsüla.
#     Asen toothbrush ita 3 nung kenbo melentsüla.
#     Süngjanglijang aser süngolio adenba chiyongtsü tajung achitsüla.
#     Protein densemba shi, ango aser mamtsü agi yangluba chiyongtsü achitsüla.
#     Moko machitsüla.
(Source – Internet)