Tepuokdak ajak nung CCTV camera enoktsüla : SC

New Delhi, July 24 (Agencies) : Supreme Court-i Honibarnü Centre aser state tem dang tepuokdak ajak den lock-ups aser police stations nung nisungtem reshikangshi nungi kümzüka ayutsü atema CCTV camera enokang ta tetuyuba agütsüogo.
Justice T S Thakur aser Justice R Banumathi nati aniba bench-i küm ka tsüngda tepuokdak ajak nung CCTV camera enoktsü atema tetuyuba agütsü.
Iba bench-isa police station ajak nung tetsür constable anana mapa lemzüktsütsü tetuyuba agütsüogo.
Supreme Court-isa Human Rights Commission tenteta maliba state sorkar tem dang ita asem tsüngda Commission tentettsü tetuyuba agütsü.
Himachal Pradesh, Meghalaya, Nagaland, Arunachal Pradesh, Delhi amala state aser Union Territory nungertemi human rights commission tenteta mali ta Supreme Court-isa ashi.
Dilip K Basu-i okadak PIL ka nung prison reforms aser state human rights commission tentettsü atema onük benokba sülen Supreme Court-i iba obendang agütsüogo.