Tepuokdak alir Palestine osangbeneri lumibaren anentsü lemteter

Hebron, February 26 (Agencies): Israel tepuokdak puoka alir Palestine nunger osangbener, Mohammed al-Qeq-i par lumibaren anentsü lemtetba osang jangjaogo.

Israel sorkari Hamas telungpur telok den sentaktepba ken o nung aija pa tepuokdak puoka ayuba anema longkak aita Mohammed-i anogo 94 tashi longkak aita aru.

Ajisüaka, pa ita 3 lir külen tepuokdak nungi chioktsü nangzükba sülen Mohammed-i par lumibaren anentsü lemtetogo.

“Kü kinüngbo, Mohammed-i lumibaren anentsü lemtetogo aser pa tepuokdak nungi taküm May ita 21 nü chioktsü nangzükogo,” ta Mohammed kinüngtsü, Fayha-i pelseta metetdaktsü.

Saudi Arabia nung tentetba osangkaket ka atema osangabensang, arishi küm 33 tain Mohammed-i pai aibelenba kuli kechi monguaka, Israel sorkari pa tepuokdak puoka merenshiba atema longkak aitba osang jangjaogo.