‘Tera Intezaar’ film nung Sunny Leone aser Arbaaz Khan na medema adoktsü

Mumbai, May 30, 2016 : Memunui tangoktsü aliba musical-romance film “Tera Intezaar” nung actor Sunny Leone aser Arbaaz Khan na tan mezüngsüa medema adokba angutsü.
“Splitsvilla” sentong toku buba nung shilem agitsü alila, Sunny aser Arbazz na iba film Rann of Kutch nung August ita nungi tangoktsü.
“Ni Arbazz den külemi inyaktsü atema kanga pelar,” ta Sunny-i osang tejangja metetdakja IANS dang ashi.
Raajeev Walia-i tan mezüngsüa direct asütsütsü aliba film ya anogo 25 nü Kutch nung tangokba dang masü saka bendanglen oagia tangoktsü tebilemba lir.
Film atema mezüng recording asütsü atema Sunny aser Arbaaz na Mongulbarnü ajuruteptsü, ta osang kar ajanga ashi.
“Arbazz bo tamasa yongi iba film nung shilem agitsü renema jembir liasü. Iba film indang otsü angashili yongi lai sign asü. Iba mesükba film nung la tan ya mezüng shilem agitsüba lir,” ta kasa osang ajanga ashi.
Sunny-i “Jism 2”, “Ragini MMS 2” aser “One Night Stand” film tem nung kanga junga shilem agia lir.