Teraksa lima nung tulurtem timtemba

~ S.Nüken Longkumer, Naga United, Dimapur.

Yim yim Ola ajanga shisatsü lemsateper Mr. Modi shibai India lima nung sensaker yarinüa bilemer yamaji inyaka sentong yangluba State shia dangi yoker, saka yamaji statetem nung shidakba Ochi shia meinyak tulurtem kari chiadokba ajanga Mr. Centre Govt. nung Modi Govt-i inyakba ser bilemba ajak amajok kümdaktsür südi ta belemer? India lima nung aliba nüpur ajakbo takar mekümtsütet!! Aji oda tarnungba nüburtem sensak tia nungi ajungketsü meranger sür nung tanü India lima nung nüburtem tsüngda mangatetep bener arutsüba mapatemji B.J.P telok ajanga masü saka tesülen telok kari amshir asütsü!! Election mapang nung nangzükba ajakbo anogo ishika tsüngda matemtsü, küm 10 (or) 15 tashi jaja danganga ataloka arutetsü!! Aser inyaktetsü yamaji Naga lima nunga Govt. tasen arunyonga anogotem dang züngdanga atatepra alimaji telungi alutsü!! Tebilemba kecha matalok asen nüburtembo timtem ajurutsü!! Iba sülen Naga lima meyangluteti yutsütsü linertembo takar akümtsü!! Iba maparen ajanga alima teraksa tia ajurutsü, tang amai dang ali nungbo Naga nunger tebilemba kecha mataloktsü!! Naga lima tejembir aika ochishirbo ishika dang asenok tsüngda Ochi maliba tanari angur!!
Asenok mapa to amajok kümdaktsü!! Naga nungertem anogo shia tebilemba matong kümtem süitema yoktsü, yangji taruba kümjia tanü anogo ama arishia lir ang ajurutsü!! Yamai dang lira Naga lima sensak tia tuluba ajurutsü dang masü züngteter alirtemia anir rara tulu adoklokyonga aotsü mapang anasa lir! Alima nung alir ajakbo takar makümtsü ajakbo M.L.A Minister masütsü? Asenok ajaki tang jembiba yabo anogo ishika tsüngda alima jangratema yanglujang ta asüba nung nokdaka lir, Mr. Rio-i aniba Govt-i asen lima küm 4-5 shibo alinungdang terenlok koma aoer aji meteta akümtsü! India lima state ajak nung tamangba yimsü nung tetsükdaktsü ajuruba ya lokti temenen sendong ajanga arur! Iba ya samatsütsü atema ozüng amertem renema alitsüla!! Aser nüngdakba mapa inyaktsü Police aser N.G.O’s temi tenük yoktsüla, memchir temeden asoshi ozüngtem yanglua lir, ozüngji akümtsübutsü tim? Iba ozüngji mangara Govt. ji-a talangka motetsü? Ans:- Govt. laotsü anogo ishika dang anünga lir. Govt. ka arubaji küm 3 asem mersüra 4 pezü tashibo par mapatemji repranga atatsü tim!!
Anogo 100 tashi nungbo town aser lemang tem ajak yanglujang ta asüba ya masü nenoki akok tashi meranga inyakang ta ajungshitsü tim! Mr. Rio ya liner tajung aser sensaker meimba nübur ka lir, NDPP telok, B.J.P telok telok N.P.P telok ta masü koda sür Naga lima renloka aor tobur junga asen lima yanglutsü merangang ta ashtisü melena, jok Party raktepba olulu jembitepa senzür dang senbo indokmar sensaker yaritsübo maka akümer, Election mapang indokba bushiteper!! Shir Govt. shir telok aru nungdang Naga lima yangltusü Election mapang nai takok angutsü, aritepba mapang nai O tanang jembiba to tsü telungi yokra lendong tulu lir!!