Terenlok atema nütsüng azüoktsü tongtibang: BJP MP Giriraj

Patna, November 01 (Agencies): Deobar nü taoba mapang Bihar minister aser BJP MP, Giriraj Singh-i RSS pusema, linük nung terenlok alitsü atema nütsüng azüoktsüji tongtibang ta ashi.
“Linük ka terenlok atema nütsüng yongsük azüoktsüji tongtibang ama ni bilemer,” ta Singh-i ashi.
Tang tesütiba linük census data ajanga Muslim nütsüng tali arenba dak sentakba nung yashi RSS-i nütsüng yongsük mapatong balala nung temelenshi nüngdaker, ta shia liasü.
Ranchi nung RSS senden ka amendang tamangba lokti balala nütsüng ainba nung o lemtep akaba sülen pangzüng ka renema yuogo.
Iba senden dak sentakba nung osangbenertem den jembidang RSS Sah-Sarakaryavah (joint secretary), Krishna Gopal-i, iba pangzüng ajanga parnoki Centre sorkar dang National Population Policy yanglushitsü mepishiogo, ta metetdakja liasü.
Census 2011 ajanga 2001 küm nungi 2011 küm tashi nung küm shia Muslim nütsüng shilem 0.8 ainer, ajisüaka kasa mapang nung Hindu nütsüngbo kümshia shilem 0.7 agi tajemba akumer.
Gopal-isa, arrtsü tesemlen Muslim nunger nütsüng ainba rate timba akumer. India nunger district 8 nung Muslim nunger timba lir. Population mapatong ya yanglushitsüla ta onoki akhanger ta metetdakja liasü.