Terenlok maparen atema Advisor H. Khehovi-i nüngshilong azüngtsü

Tuensang, Aami/June 28, 2020 (TYO): Hokolbarnü, Tourism, Art & Culture, Advisor H. Khehovi-i Nagaland (Prashad Scheme) 2019 kübok terenlok maparen atema Noksen nung nüngshilong ka azüngtsüogo.
Nagaland statehood ngur sülen, iba yimtsüng nungi minister pezü tashi adokdaktsüba ya temoatsü lir, ta Advisor-i metetdaktsü aser pai Noksen yimertem nem tenüngsang agüja liasü.
1880-90 AD mapang mezüng missionary, Godhula Brown-i semdangba yimtsüng, Noksen nung terenlok atema state sorkari heritage site jangjatetogo, ta pai ashi
Latettsüba mapang nung iba project takok ngua inyaktettsü atema yimertem longjemer iba maparen nungittsüla, ta pai ashi.
Kin tsüngda tebendang kecha meli nübur rangben asoshi ochishishia aser bendanga agüja inyaktsütsü ta Khehovi-i nangzüka liasü.
Pai ashiba agi, alima ajunga asüngba wara ajanga Naga nunger tsüngda aluyimba aser pei kidang/alu nung kiset shiruru metsüba maparen tanaben tenzüktsü asoshi ajungmesogo.
Maneni, Er. Thungdemo Patton EE Tourism-i iba project indang telok dang metetdaktsü.
Iba sentong nung Moatemsu Sr. T.O. menden liasü aser Toka Tuccumi Asst. Director Tourism-i tepela anküp o jembi, ta sangdong ka ajanga metetdaktsü.