Teriya Magar-i Jhalak Dikhhla Jaa takok angu

New Delhi, January 22 (Agencies): Ita trok tashi kanga nendaka meranga inyakba sülen Teriya Magar-i ‘Jhalak Dikhhla Jaa’ Season 9 takok nguogo. Iba tetoktepba sentong nung shilem agir Salman Yusuff Khan aser Shantanu Maheshwari nunger madak pai iba takok angu. Teriya Magar aser pa den tsüngsanger partner, Aryan Patra nati trophy den senpet lakh 30 agizük.
Jhalak Dikhhla Jaa ya celebrity dance reality show ka lir aser tetendangertemji- Karan Johar, Farah Khan, Jacqueline Fernandez aser Ganesh Hegde nunger lir.
Finale episode nung actor Hrithik Roshan-a liasü aser iba sentong nung pai pa indang film ‘Kaabil’ ajungkettsü.
Salman Yusuff Khan-i first-runner up jenjang angu aser second runner up ji Shantanu Maheshwari liasü.
Takokertemji Bigg Boss sets mapang sangdong aser Salman Khan-i Teriya Magar nem Jhalak Dikhhla Jaa trophy ji agütsü.
Arishi küm 14, Teriya ya Nepal linük nungi lir. Tamalen lai dance reality show Dance India Dance Li’l Champs takok anguba sülen la nüngtugu küma liasü.
Tatembangba aonung sentong nung Hrithik Roshan aser tetendangertemia shilem agia tsüngsang. Roshan-i Jacqueline, Karan, Farah aser Ganesh nunger den pa indang ken, ‘You Are My Sonia’ nung tsüngsang.
“Iba takok ngua Teriya Magar-i, “Ni asoshi Jhalak Dikhhla Jaa ji kechi tetezü’ar ni merasateter. Tsüngsangtsü ni jangrar aser kü chichiba temeim lir, aser tannü iba ya ajanga ni alizüng tasen ka tongogo,” ta ashi.
Laisa choreographer Rishikaysh aser dance partner Aryan na danga pelaba metetdaktsü.
Teriya-i iba tetoktepba tom nung wildcard ajanga shilem agia liasü.