Teronem Tanang (1 Samuel 1:10-20)

“Kechiyong Tsüngremi alima oda meim nung, shirisa Pa dak amanger mesamatsü saka teti taküm alitsü Pai pei ajaso chir agütsü.” (Yn. 3:16).
Tetsü kati la jala tantsütila mission mapai yok. Mission wadang nung lar jala tepsetogo ta la dangi osang aru. Lai tanabuba jala yok saka laa tepset. Lai tasembuba jala missionaryisa yok saka laa tepset. La tembartem sentep aser la mulung süneptsütsü O ashi. Tanurtem tetsüi medemertem dang ashi, “Ni tanurtem asüba atema ajeber masü saka missionary mapai yoktsü asoshi ni joko jala makaba agi ajeber.” Tekülemji ken atenba aser tenüng asangbaji dang masü. Talubusa agütsübaji tekülem külen tsütsüji lir, koba Tsüngrem tsüngdangi teronem tanang ama atur.
Ainkar Samuel tetsü Hannahi iba tekülem mapaji sayur. Lai Eli Putir dang ashi, “Ni iba tanur Tsüngrem dang meshi aser Tsüngremi kü nem agütsü… Anungji parnoki idakji Tsüngrem külem” (1 Sam. 1:24-28). Nashi pungchi ka agüja Kibuba külembaji maneni inyakba mapa liasü. Jenjang makaba tekülem jagi asenok nem kecha jenjang magütsür. Abrahami par jabaso tenlabaji “tekülem” ta aja (Lipok 22:5).
Tsüngremi Techir ka dang aliba missionary yok aser tepset. Tsüngremi inyakba ama tsüraburi kibong nungi missionary yoktsü jangratsüla. Tsüngremi Mosa dang ashi, “Mezüngbuba mepuba ajak Ni asoshi shitetta yuang” ta ashi (Anitet 13:1,2). Tsüngremi akangba Khristantemi süoki ia magizük tashi mapa inyakertem agi anünga alitsü. Asenoki tanurtem dang missionary mapa inyaktsü jangratsü sayutsüla.
Ano temenentsür kati Yisu tetsüng nung totzü mezütsüba jagi iba tekülem sayur. Lai ajep. La nüktsü agi Yisu tetsüng shitoktsü. Lai tebang mesep. Ajakji asenokia inyaktsüla. Saka tanabuba mapaji jenjang tasak. Lai sen jenti alangba teronem menemba totzü la nungi intok. Asenoki bena aruba nungi ter dak tali meshira asenoki nemnemer. Ken longsotepa atenba amaji talila agütsübaji melira, tekülemji jangratemtsü masü.
“Khrista ni atema asü süra, Pa atema bendanga magütsübaji ulura asütsü” (C.T. Studd, 1862-1931).