Tesangwa abenba taküm

Mosa Tsüngrem den jembir külen pa tejak tekepji sentsüpranga liasü ta peisasa metetdi.

Onok asoshi masü, O Kibuba, onok asoshi masü; saka Ne tenüng asoshi sentsüwangshi agüjang, Ne yimlibilem asoshi, aser Ne temulung alemba asoshi. Idangji temeshi puri Pa dang ashitsü, Kibuba, kodang onoki Na yaa ngua Na chiyongdaktsü? Mesüra tzüradang, Ne nem jemdaktsü? Saka ajemalu agi nisung shiai pei dang pi taoba ta züngshiangma. Nenok ajaki peisasa medemeri medemer tenzüktsü ajemalu agi nangri kangang.

Aser pa parnok tsüngdang sentsü melena adok; aser Pa tejak anü ama sangwa, aser Pa süoshi tesangwa ama mesünga aküm. Aser mungdak mena alir ajaki Pa dak rangeta ajia Pa tejak kotak tenyar tejak ama angu. Asenok kechi koda ka dang lir, yamaji parnok ka dang alitsü. Saka asenok ajak tejak memiimbang nung, Kibuba sentsüwangshi tanüdangtsü nung ama ngua, sentsüwangshi nungi sentsüwangshi dangi, Kibuba Tanela nungi ama, Pa mesükba nung melenshia kümdaktsür.

Nenok meimchir tesangwa. Tenem nung aliba yimti memiimtet. Nisungi milen tsüloker molok telung nung mapur, saka milen atalokba dong nung ayur; aser iba jagi kidang alir ajak nem tesangwa agütsür.

Anitet 34:29; T. Ken 115:1; Mat. 25:37; Fil. 2:3; 1 Peter 5:5; Mat. 17:2; T.M. 6:15; Yohan 17:22; 2 Kor. 3:18; Mat. 5:14, 15

Oba Tsüngrem, Ne chir ka ama iba ammang lima nung tesangwa ka ama alitsü Ne taochi kü taküm melenshijang. Amen.