Tesangwa Yokba – Mathi 5: 13-16

Nenok meimchir tesangwa. Tenem nung aliba yimti memeyimtet. Mat 5: 13-16.

Ernie Pyle, pa mapa tulu tatembang kati arur ta metetta, pa tembar dangi temepishiba shiti ka zülu: “Na tesangwa temdaki ta Tsüngremi metet”.Ernie Pyle, pa mapa tulu tatembang kati arur ta metetta, pa tembar dangi temepishiba shiti ka zülu: “Na tesangwa temdaki ta Tsüngremi metet”.Iba temepishiba tayimtenba ya kin ajak noksa lir. Mr. Pyle teyari asoshi Pa tembar dangi aoba ama, asen Kini inyaktsü akok. Atangji Yisu Khrista arogoi tembar kati ama Kin nüngdak nung langzütsü akok. Naga kin nüjiso atema Küm kwika ayimtena arur? Arogoi koba tashi shilem agia lir?  Ao kin melenshitsü kobika jembia arur?. Ao Kin melenshitsü atema arogo-i kechi inyaker.Rongsen ketsüng aser nisung mulungjang anisüngzükdak lendongbang nung lir. Telemtetba shidak agiba nung kodanga au ta mali aser temerenshi, senchimenchibo yakta sashi sashia agir. Arogoi Tsüngrem O ochiji jembitsüla, Tsüngrem Tanela nok-o-nüji amer tetsükchitep tashiji azüshitsüla. Ibaji arogo tesangwaji yakta yokdi.Itemi shisadangang: Arogo aser state tsüngda keni tebendang alitsüla ta nai bilemer asü? Arogo asoshi statei inyaktsü kar lir asü? Aji kechi? State asoshi Arogoi inyaktsü kar lir asü? Aji kechi? Asenok lima nung Arogo aser State tsüngda tesendaktep raksaa  lira, Khristan ka ama, teraksaji yanglushitsü atema  asenoki kechi inyaktsüla? Nai kechi inyaktsü akok? Ibaji tang nai inyaktsü asü?SARASADEM : Shisataka aser temetetba shisatsü tang Kü nem agüjangma. 2 Puti 1:10.TENANGZÜKBA : Saka nenok rongnung kar  shisatsü agi anunga lira, atalaa marütsüi angati ajak nem agütsüba Tsüngrem dang Pai meshidakjang; aser aji Pa nem agütsütsü. Yakob 1:5.