Tesendaktep : 1 Korint 13:1-13

Tenemi atuba lenmang tesem kar nungbo nisung ka dang süitettsüsa alir. Kati anena atar ka aodang lendong mali, kümzüka otet. Tenaprongla maitsütepi pei lenmang jagi odi süra lendong ajurutsü.

Aiben taküm lenmang nung asen tejangraba tangar tejangraba den tsükteptsüsa ajurur. Aiben mulungsoa maitsüteper.  Tesendaktep nung lendong adoker.

Iba ama tia nung Yisui asenok anir. Pai Gethsemane Kalvary dang nungi tanga lenmang ka lir mali ta asüngdang. Saka Pai Pa mulungba dang mesoet. Tebui mulungba Pai agizüka, Pai kangki lenmang shimtet, asenok temenen pur asoshi timatem.

Tang, Pa dak amangba tamang ajanga tatok agütsü nung, asenokia tatok agütsür. Pai meim, asenoki meimtsü akoker – Tsüngrem dang masü saka tangara.  Iba temeim shilem aseni mulungba nung dang aliba agi madoker.

Atangji asenoki Tsüngremer lenmang shimtsüla. Kodang Tsüngrem Oi tejangja ashir, anemer adokaka kecha masü saka kodang mulungba nung dang azüietdir, Yisui sayuba nung ni mulungsoa tangar nem lemang lapoktsür ta shiang.

Temeimi aginüba ama ni tangar nem lemang aitsütsü yariang, kotaker Oba. Amen.