Tesendaktep -1 Tesa. 4: 1-8

ATSÜABUNG MEDEMBA – KHRISTAN TANGATETBA
Aser tena prongla mangsa liasü, nisung o pa kinüngtsü na, aser maktepi liasü. Lipok 2:25.
Laishiba nung iba o jakdaka dang ashiba jagi Tsüngremi atsü-abung medembaji Tsüngremi saklokba mapa ta sayur. Pai ibaji yanglu. Idakji kecha tamajung mali. Adam aser Eva mangsa liasü saka kecha maktepi liasü. Temenen malidanga, atsü-abung medembaji liasü. Tsüngremia ibaji junger ta ashi. Ibai taaktsü o ka masü.
Ano item O yagi satitsü atema Tsüngremi atsü-abung medembaji yanglu ta sayur. “Anungji nisungi pei tebu aser pei tetsü toktsür, pei kinüngtsü den sentepa alitsü; aser tena shi ka dang alitsü” (Lipok 2:24). Iba telungjem nem Teyanglur -Tsüngremi ozüng aser temoatsü agütsü. “Aser Tsüngremi parnok moatsü aser Tsüngremi parnok dang ashi, “Soyapokyang, aser jenti renang, aser alima süngdakja aji azüokang” (Lipok 1:28).
Atsü-abung medemba sempet ajanga Tsüngremi meimchir taküm tasen yanglutsü agütsü. Satiba kübok tepela aser jangratema shilem agitsü Teyangluri Pa shisatsü nung iba nüngdak ya yanglu. Asenok temenen nung tsükba ajanga atsü-abung medembaji menena kümdaktsü. Saka asenoki Pa sempet tajung mejungi amshiba temenen asoshia Yisu kangki nung asü.
Temeim Kibur, onok tebur aser tetsür yangluba asoshi Ne tenüng asanger. Iba atsü-abung medemba senti sempet Nai mulungba nung amshitsü onok dang yariang; Yisu tenüng nung. Amen.