Teshimertemi tebendang benshia asayar shimer: Mary Kom

MaryKom-2Mumbai, September 24 (Agencies): India nunger asayar shimertemi tebendang benshia tsüngtepertem shimer ta shia, Olympic bronze medallist, MC Mary Kom-i teshimertem aitsüba olen ka tanü Brehostibar nü metetdaktsüogo.
“Tetendanger aser referee-temi ni aiben mesapur saka iba atema ni mejashir. Tanüngba asayartem ama, nia külem India sensotsür ka asüyonga ni northeast tsür ka asüba yong parnoki yamaji inyaker aser iba jagi ni aiben tezüdangdaktsür,” ta Kom-i tanü osangbener dang metetdaktsü.
Ano, temang touzük seret kasa jenjang nung shilem agir asüba den külemi, lai takok nguaka, teshimertemi Haryana tsür Pinky Jangra ang shima tetoktepba balala nung shilem agidaktsür ta arishi küm 32 tain Kom-i metetdaktsü.
“Iba ama bendanga amshiaka, ni tsüngtepba ring nung takok anguba ajanga nia tetemsü tsüngteper ka lir ta sayutsü temulungtetba lir,” ta tetsür world champion 5 ben tashi akümla, Manipur tsürla, Kom-i sangoktsü.

You must be logged in to post a comment Login