Tesüiba Germany Tir Roman Herzog süogo

Berlin, January 10 (Agencies) : Tesüiba Germany Tir Roman Herzog arishi küm 82 nung süogo, ta Mongulbarnü tir office sangdong ka ajanga metetdaktsü.
Roman Herzog ya Mongulbar anepdang Baden-Wurttemberg nung pa aliba jila ana aliba mozüki ka nung asü, ta otongdar tetsür kati ashi.
Herzog ya tesüiba mapang Germany constitutional court nunga chief judge liasü.
Pai yimsüsüba mapang temelenshi tsübuba linük kaji tanga linüktem küboki aitsü anungji putu 21buba nung ajemokdak Germany khen aoksaa atashitsü nüngdak tasa ashiba mamateter.
Tang aliba Germany chancellor Angela Merkel-i Herzog ji linük meima kümzüka ayur nisung ka ta tenüngsang agütsüdang pai linük nung pa nem nungloktsüba mapa balala inyakogo aser pai tagitsü o tang jembi ta ashi.
Herzog ya Bavaria anüdoklentip tsütsü aso aser Nazi yimsüsüba kübok aien.