Tesüiba küm ana nung tanur 24,834 samaogo: Sorkar

New Delhi, July 31 (Agencies): Tesüiba küm ana tsüngda linük nung tanur 24,834 tashi samaogo, aser timtibaji Madhya Pradesh nung tanur 7,689 samaba osang lir; Kasa mapang nungsa linük nung shibelenba tanur 6,510 kümzükogo, ta tanü Centre sorkari metetdaktsü.

National Crime Record Bureau data ajanga sayuba agi, 2013 küm tanur 10,690 aser 2014 küm tanur 14,144 sama, ajisüaka kasa mapang nungsa Human Trafficking Act kübok tanur 3,834 (2013 küm) aser 2,676 (2014 küm) kümzükogo, ta Women & child development (WCD) ministry ajanga Lok Sabha nung metetdaktsü.

“Tanurtem samaba aser anguba metettsü atema Ministry-i Integrated Child Protection Scheme kübok web portals- ‘Track Child’ aser ‘Khoya Paya’ lapokogo,” ta WCD Union Minister Maneka Gandhi-i ashi.

Maneka-isa, Railways ministry data ajanga metetdaktsü agi 2013 aser 2014 küm parnoki tanur 412 aser 925 kümzükogo, ta shisem.