New Delhi, July 31 (Agencies): Tesüiba küm asem tsüngda linük nung ‘dowry’ ajanga tetsür ajak agi 24,771 süogo, aser timtibaji Uttar Pradesh nung tetsür 7,048 tashi asü, ta tanü sorkari metetdaktsü.
Lok Sabha nung telangzüba ka agütsüdang, Women & child development Union minister, Maneka Gandhi-i, linük nung Indian Penal Code (Dowry ajanga asüba) section 304B kübok 2012 küm ken o 8,233, 2013 küm ken o 8,083 aser 2014 küm ken o 8,455 benoka liasü, ta metetdaktsü.
Kasa mapang nungsa dowry ajanga Uttar Pradesh state nung tetsür timtiba asü aser tanabubo o tasembuba jenjang nung Bihar nung tetsür 3,830 aser Madhya Pradesh nung tetsür 2,252 süogo.
National Crime Records Bureau data ajanga sayuba agi, tesüiba küm asem tsüngda linük nung pei kinüngbu mesüra par kinüngertemi tetsürtem dang taochi mesayui inyakba ken o lakh 3.48 tashi liasü, aser item ken o timtibaji West Bengal nung ken o 61,259 liasü, tanabuba aser tasembuba jenjang nung Rajasthan nung ken o 44,311 aser Andhra nung ken o 34,835 liasü.
“Dowry Prohibition Act, 1961 densema tetsürtem dak sentakba ozüngtem rajemdaktsütsü asoshi sorkari shisatokten, cultural & training programme densema sentong balala ayongzüka tesayuba agütsür,” ta minister-isa ashi.
Tesüiba küm asem tsüngda dowry ajanga tetsür 24,771 süogo: Maneka added by asungba on
View all posts by asungba →
You must be logged in to post a comment Login