Tesüiba mapang FIFA Tir Joao Havelange süogo

Rio de Janeiro, August 16 (Agencies) : Alima rangben atema football asaya ketdang asüba telok FIFA , nung tesüiba mapang Tir Joao Havelange Mongulbarnü, arishi küm 100 nung süogo.
Pa FIFA nung küm 24 tashi Tir ka ama inyaka liasü.
Havelange ya May 8, 1916 nü aso aser pa taküm July ita nungi pneumonia agi shiranga Rio de Janeiro mozüki ka nung anepalua liasü, ta Xinhua news agency osang ajanga metetdaktsü.
Brazil nunger Joao Havelange ya tesüiba mapa Olympic tzüwa-er ka liasü aser pai FIFA Tir mapa 1974 nungi 1998 tashi aben.
Havelange lenisüba kübok FIFA kanga renloka aküm. Iba telok nung inyakertem tekapu külen masüng aliba jenti züina alima nung saisapong tsütsü takartiba telok rongnung züngsema aküm.
Pa mapang teraksa aika adok aser FIFA contract inyakyim nung pai sübokrem agi ta tai tongloktsüba ajanga pa lenisüba nung tarak aket.
Havelange ya International Olympic Committee (IOC) nunga 1963 nungi 2011 tashi züngsem ka liasü. Pa temang manemba ajanga iba telok nungi sodi agi.