Islambad, February 20 (Agencies): Nisung tepsetba ken o nung ajemdaker Pakistan nung tentetba okadak kati tesüiba Pakistan Tir, Pervez Musharraf aputsü ozüng agütsüogo.
2007 küm Lal Masjid tashiyim agi agidang nübur temeten asoshi nokdaker, Ghazi Abdul Rasheed tepsetba ken o nung ajemdaker Musharraf pua temonoba agi taküm March ita 16 nü tashi nung okadak tonga anir arutsü ozüng session judge kati tanü agütsü.
Musharraf apuba sülen pa bail nung mechioktsü ozünga obendangeri agütsüba osang jangjaogo.
Okadaki iba ken o nung pa mezüngoktsü asoshi Musharraf-i benokba onüka magizüktsü telemtetba okadakisa agiogo.
Tanü tashi nung okdak Ghazi tepsetba ken o 55 ben tashi angdanga lir saka Musharraf-i ken o angdangba sentong nung ken danga dena mali.
2007 küm July ita atalokba lendong nung kaketshir aser police o mitkar züngsemtem na densema, nisung jenti taküm samaba osang bushiteta lir.
Tesüiba Pak lenir, Musharraf aputsü ozüng agütsüogo added by asungba on
View all posts by asungba →
You must be logged in to post a comment Login