Tesüiba West Indies GCA Tir Gabriel Henry süogo

St. George’s (Grenada) August 2 (Agencies): Cuba nung Deobar nü tesüiba mapang Grenada Cricket Association (GCA) Tir aser council member asüsang Gabriel Henry asüba mangyima mongtepogo.
Arishi küm 52, Henry ya Brihostibar nü gari tsüoka yiruba nungi mekümzükteti Honibar nü asü. Pa ya Cuba nung par jala medical doctor graduation asüba sentong nung adentsü asoshi aodang gari lendong ajurua yiru, ta CMC osang ajanga metetdaktsü.
Tebu asüba osang tejangja sangdongba mapang Gabriel Henry Jr-i, “Kübu, ‘Daddy’ tang süogo,” ta social media ajanga metetdaktsü.
GCA nung Tir Dwain Gill-i Henry asüba atema kanga sasaba aser temulung shirangba lemsatepba mapang cricket kibongi pa kanga menungratsü, ta shisem.
“GCA aser ozü kibong tenüng nungi ni Gabriel Henry’er kibong den asüku lemsateper. Onok sarasadem parnoki den lir,” ta pai ashi.
Henry ya tang St. David Cricket Council nung Tir teinyakdak lia alima nungi pilaogo.
Pa taküm alidang cricket nung dang masü saka football nunga ketdangser ka liasü.