
Haldwani, February 25 (Agencies): World Wrestling Entertainment (WWE) sabang nung takok tulu angur mezüngbuba India nunger melangteper, The Great Khali yirua mozükidang taneptsü agia aliba osang jangjaogo.
The Great Khali ta ajasang, Dalip Singh Rana Uttarkhand kübok Haldwani nung ayongba pro wrestling tetoktepba, ‘The Great Khali Wrestling Show’ nung shilem agidang tekoklak kanga mejungi yashi, Bodbar nü yirua liasü.
Arishi küm 44 tain Khali-i Canada nunger melangteper, ‘Bodysteel’ den melangtepdang yiruba sülen tanü Dehradun-i taneptsü bushia anirogo aser idakji pa temang jenjang tajungba mekümra, pa Delhi yimtibai anir aotsü sentong renema lir.
‘Bodysteel’ den külemi, Canada nunger melangteper tanga 2 – Mike Knox aser Apollo nati ring telungi ia chair agi atepba ajanga 2007 WWE heavyweight champion, Khali kanga mejungi yiru.
Asayadak yiruba sülen Khali Haldwani nung tentetba Birajlal Trauma Centre-i anir oa idakji CT scan aser X-Ray agia tendang aser pa tekoklokret zükmar aliba bushitet.
Khali pro wrestler ka akümba jakdang Punjab state police ketdangser ka liasü.
You must be logged in to post a comment Login