Tetendangba aruba tajangzük

“Kü adianutem, kodang nenoki tatidang aika angur,nenok tamang atitangba agi taremzük adokdaktsür, ta meteta aji kanga tepelatsü ta züngshiang.” Yakob 1:2-3

Yaküm school ajak shibanger külen, online class aser ano yimya tasen balala ajanga kaketshirtem ajak angazüktsü asoshi asameyang balala ajanga tongtepa aruogo. Iba mapang nung tesayur, tsürabur aser kaketshir ajak atema tebilemtsü tulu ka asübaji, tanurtemi kecha angazük mangazük ar koda tendangtsü ta asüba khuret ya liasü. Tendangba jagiang küm songtema tesayubatem to tajangzük ali maliji metettsüba liasü. Yakobi ashir, tatidang aser tetendangba balala arubaji temelabo masü. Khen khenbo aji kanga sa tashi. Nüktzü sünga liaka, iba ajangaji asenoki iba ajanga ya Tsüngremi kechi nükjidong ka atalokdaktsünürba ta shisadangba mapang süang ta ashir. Tasen lai nung tekangshiba asem indang mapang shia jembir aser aji-pei tamang atema rishikangshiba, temang nung mokokmin aser tashitak agi shirangba, aser sensak tia ajanga kangshiba lir.

Item ajak madak koktettsü tashiji tanga agimasü saka, Tsüngrem tsüngdang tsüngchir süa aliba agi dang koktettsü. Shiri iba amala tetendangba ajurudanga lir, parnoki ang koma tasak mesüra iba ajanga parnok koda melenshi aji shitettsü. Iba ajanga parnok shisatsü süngjemshidaktsüba, shisatsü renlokdaktsüba mesüra iba ajangam taküm nung kechi tongtibang aser kechibo mapang laluba ajakji kuli sütettsü. Atangji, iba mapang ya asenok asoshi tepelatsü ta züngshitsüji tasak saka ya amajokbo masü.

Sarasadem

Yihova Tsüngrem, Ne sentong ni nagatettsü atema iba mapang ya ni shisatsü aser taremzük nüngdaker. Ni yariangma. Amen