Teti Katet – T.Ken.78:9-20

T.Ken 78 nung Ephraimi Kibuba tezüngzüktepba mayu nung parnok teyari kanga nüngdakba mapang nung Israeli parnok meyariba ashir. Ephraim christan, lijak agi raratsü renemer, tongpang anogo nung meyipa ao. Tsüngrem tezüngzüktepba parnoki mayu, aser Pa ozüng nung mejajanü. Aser parnoki Pai inyakbatem, aser Pai parnok dang sayuba sayatenyatem, amadok. (t.9-11)
Kodang nüburtemi tongpang rara nung tamakok ngudir koda lendong. Yisui asenok shirnoki tesülen meyipa repranger aser Tsüngrem mulungba mataloktsür iba asoshi tekümdangtsü agütsür.(LK 9:62). Asenoki tesülen repranga, asenok tejaklen ali tusaa aotsü makok. Aser asenoki tesülen meyipa repranga, asenoki raratsü tim tashi meraratettsü. Au, idakji tanelaren rara odaki, aser asenok ajak sepoy asütsü nüngdak saka iba rara nung tongpang nung raratem den langka tai lir. Parnok tamang katetbatem masü, parnoki raraba anogo nung meyipa arur.
Parnok jajaba nung langka tai lir. “Parnoki Tsüngrem tezüngzüktepba mayu, aser Pa ozüng nung mejaja” (t.10). teti tamakok tenzükdakji aji lir. Parnoki tongpang rara nungji takok angutsü asoshi Tsüngremi parnok yari, saka parnoki tashi manga.
Tatemsa, Tsüngremi parnok asoshi inyakba parnoki amadok. “Aser parnoki Pai inyakbatem, aser Pai parnok dang sayatenyatem sayuba amadok”(t.11). Nai sayatenya ka amadoktettsü ta bilemer asü? Tanü Tsüngremi ne dang sayatenya ka inyakra Pai na kidangi maja tashi nai iba indangji jembitsü. Ephraim nunger rara nung temulung alemtsü mali asü kechiaser Tsüngremi parnok asoshi inyakba parnoki amadok. Tsüngrem ozüng anema aküm, aser parnoki Kibuba mapatem nungi meyip. Parnoki Pa mapa nung yaritsü mokoki aküm.
Tamang makatetbaji meimchir ajak dak aketba ka lir. Saka Tsüngrem yamaji masü. Tamang katetbaji Pa jakla nung shilem ka lir. Nai Kibuba metetta lira iba jaki na tasü itdaktsütsü. Pa mapatem bilemtetettang aser Pa asoshi tongpang rara tamang katetba sepoy ka süang.