Teti tatem maka tebu (Isa. 9:6)

Angang, O Israel, Kibuba asen Tsüngrem Kibuba ka dang lir (Tazüng. 6:4). Ni aser kü Bu ka dang. Ni Kü Bu mapa meinyakra, ni tammang. Saka ni itemji inyakra, nenoki Ni mamangaka, mapaji amangang; anungji Tebu kü dak lir, ta nenoki metettsü aser angatettsü (Yohan 10:30,38). Anungji parnoki Pa dang ashi, “Ne Bu kong lir?” Yisui langzü, “Nenoki Nia aser Kü Bua memetet: nenoki Ni metet asübo, Kü Bua metetla.” Filipi Pa dang ashi, “Kibuba, onok dang Tebu sayuang, aji agi onok teperi.” Yisui pa dang ashi, “Fillip, Ni nenok den papikati liaka, nai Ni memetet no? Shibai Ni nguogo pai Tebu nguogo; onok dang Tebu sayuang, ta nai koda ashir?” (Yohan 8:19; 14:8,9). Aser ano ni Pa dak amangtsü. Aser ano ajiang, ni aser kü nem Tsüngremi agütsüba techirtem, Pa timatemba tanela pai angutsü, aser temulung chia alitsü, aser ajak takoksang, ibai Kibuba Tsüngremi ashir, Ni Alpha aser Omega (Isa.53:11, J.Adok 1:8). Yisui parnok dang ashi, “Atangji, züngpong, Ni nenok dang shidi, Abraham masodang Ni lir” (Yohan 8:58). Aser Tsüngremi Mosa dang ashi, “NIJI NI LIR” aser Pai ashi, “Yamai nai Israel chirtem dang shiang, NI LIR; nenok dangi Ni yok” (Anitet 3:14).
Saka Techir indang Pai ashir, “O Tsüngrem, Ne chuba menden teti tatem makai aser tsüngchir yimsüsübaji Ne yimli yimsüsüba lir (Ibri 1:8). Aser Pa ajak dang tamasa nungi lir, aser Pa dak ajak alir (Kolosi 1:17) kechiyong Pa dak Tsüngrem chichiba ajak tabensaba mang rangben alir (Kolosi 2:9).
O Tsüngrem, putu ajak nung Na kodanga memelenshir alir aser yamaji Ne tenangzükbatem alir. Iba nung kü tamang yur anogo shia kü taküm alitsü yariangma. Amen.