Teti tatem makaba sentsüwangshi

Kechiyong onoki tanguba oset merepranger saka manguba oset repranger kechiaser tanguba oset kenpiga dang alir saka manguba oset teti tatem maka alir (2Kor 4:18)
Kechiyong yangi asenok tatem makai alidak yimti maka saka asenoki tarütsüba yimti bushir(Ibri 13:14). Nenoki pei asoshi tali tajungba aser teti aliba rongsen ka lir ta meteta, pelashishia nenok rongsen laluba aremzük (Ibri 10:34).
Tetsübu, telok tilaba, kechiyong nenok Tebui nenok nem yimliji agütsütsü Pai mulungba lir (Lk 12:32).
Samaa aotsü süaka, koba hon mi agi atitanger, ibala hon dang nungi senti nenok koba tamang lir, iba tamang atitangba Yisu Khrista jungkai adokdang tenüngsang aser sentsüwangshi aser tetushi ngutettsü (1Pt. 1:6). Idakjibo tamajungertemi joko meraksar, aser angji tebelemertem anisüngzüka lir (Yob 3:17).
Kechiyong onok shir iba süki nung alir khuret küma anunger (2Kor. 5:4). Parnok tenük nungi nüktzü ajak Pai aidoktsütsü; aser tasüba joko malitsü; mangyimtsü mesüra tajebtsü, mesüra tekangshi joko malitsü; mezüngbubatem süitemogo (J.Adok 21:4).
Kechiyong koba sentsüwangshi asenok tsütsü jungkai adoktsütsü, iba dangji tang mapang nung asen timtembaji medemdangtsü metemsü (Rom 8:18). Kechiyong onok timtem pungpabaji koba tatsüka asoshi dang lir, aji onok asoshi tali tali alia, teti tatem makaba sentsüwangshi taretba renemdaki (2Kor. 4:17).
Kibuba Yisu, Nai onok asoshi sentsüwangshiba taretba renemtsü onoki Na tushir. Amen.