Tetseo Sisters teloki Mumbai nung ken ajanga shilem agitsü

March 18, 2016 : Tetseo Sisters den Phek nungi kentener telok kati Mumbai nung oa Nagaland kensü ola ajanga shilem agitsü.

Parnoki March 19, 2016 nü NCPA nung shilem agitsü. Parnok ya Naga nunger yimsüyimpong dak sentakba, balakata Chakhesang Naga ken ajungketer nüngtugu kentener telok ka süaka yaküm 2015 küm Bollywood music-a tendangogo.

“Onok dang ‘Bindass Play’s Bollywood Republic’ ken nung Bollywood nung inyaktsü asoshi asüngdanga liasü aser iba mapang onoki sobaliba ken ka AR Rahman indang ‘Barso Re’ ken den meyokteper aten. Iba kenji onoki Tati, Khro-khro, bamhum aser asem tema onok yimya nung aten. Iba ken indang video ji April ita nung mopung kanga sashia aonba mapang ka nung Khonoma yimtak tangoka liasü,” ta parnoki ashi.

Parnoki kanga meranga inyaker aser tarutsü nung linük balala nung ken tapu balala atenertem den külemi shilem agitsü sentong lir.

Parnok Taylor Swift, Beyonce, Bruno Mars, Amit Trivedi, AR Rahman, Anoushka Shankar mesüra Kohima nung alir kidanger kar den külemi shilem agitsü parnok nüngjidong lir.

NCPA sentong nung tekolakba Dr Suvarnalata Rao-i, iba telok ya Nagaland nungi mejakzüka modangi liasü. Ajisüaka Chennai nung film yanglur telok Anushka Meenakshi aser Iswar Srikumar nunger indang project ka nung parnok tendaktsütsü jaok. Tenati iba kentener telok ya küm pongu tashi asadanga aruogo aser tan shilem agiba mapang iba project indanga tera sayusemtsü, ta ashi.

Iba sentong ya March 19, 2016 nikongdang 6:30 ako nungi tenzüka NCPA, Nariman Point nung akatsü.