Tetsü aser jala ‘Cyprus airport’ nung ita 15 buba alir

September 22, 2015: Germany nungi tetsür ana Cyprus nung aliba Larnaca International tayimtsü anenba tesem nung joko ita ter ser pongu buba alir.
Tena ya tetsü aser jala ta mulung melemi bilemer. Tena tayimtsü anenba tesem nung aliba gari anendak cement plaster nungsa mejanger. Lar linüki aotsü asoshi airport ajanga teyari agütsütsü merangogo saka tenati item teyaria magizük.
Tenati anogo shia tayimtsü anenba tesem nung nüngdakdang amshitsü ayuba tapu ajak amshir.
Adamos Aspris, Hermes tayimtsü aneba tesem nung otongdari osangbenertem dang ashiba agi, item tetsür anaji tesüsa Hombar nü gari anena ayuba tesem nung angu.
Aspris-i, “Tetenzüklenbo onoki tena ya meimchir temeten tsütsü rangloker anepalua liasü saka ibaji talangka asoshibo bendanga agüja meinyakteter. Kechiba süra onok ya hotel masü tayimtsü anenba tesem ka lir,” ta ashi.
Larnaca police aser German embassy nungi teyari agütsüba dena tenati magizük.
Aspris-i, iba tebilemtsü ya bentettsü asoshi onoki ketdangsertem dang shiogo, ta shisem.
Tetsür ana ya Israel nungi visas temer meyipa yokba sülen 2014 August ita nung Cyprus arua atong. Tena ken o tembangdaktsür külen Israel-i tanaben aotsü adar südi ta nüburtemi bilemer.