Tetsür ajaki pei dak tamang akatsüla: Deepika

November 07, 2015: Bollywood actress Deepika Padukone-i, tetsür ajaki pei dak tamang akatsüla aser pei dak keta aliba sempet mezüngmeshi masütsüla, ta ashi.
Radio station 92.7 BIG FM nung jembi dang, Deepika-i, “Tetsür ka metetdaktsütsü asoshi benjung balaka (Women’s Day) amungtsü menüngdaker. Navratri mesüra tanga benjung munga tetsür ka metetdaktsütsü kangbo tenüngdaktsü mali,” ta ashi.
“Tetsürtemi mapa aika khen nung inyakteter, shisatsü nung kanga tashi tait aser parnoki inyaktettsü mapatem meteta lir. Anungji tetsür ajaki pei dak tamang kaa pei sempet mezüngmeshi masütsü ni ayongzüker,” ta lai ashi.
Deepika Padukone ya tan sayatsü aliba “Bajirao Mastani” film nung Peshwa Baji Rao tebutsü tanabula, Mastani ama shilem agia lir. Iba den külemi lai “Yeh Jawaani Hai Deewani”, “Chennai Express” aser “Piku” film tem nunga kanga junga shilem agia lir.
“Bajirao Mastani” film ya December 18 nü sayatsü sentong lir aser iba film sülen ano la “Tamasha” film nunga angutsü.