Tetsür dak sendakba Central schemes indang awareness sentong agiogo

Mokokchung, Luchii/December 16 (TYO): Tetsürtem anema ozüng alema benshiba mapatem aser tetsürtem dak sendakba Central sorkar schemes balala metetdaktsütsü atema Awareness sentong ka November 22 nungi December 16, 2019 tashi Mokokchung nung aliba school tem nung agiogo, ta Hombarnü ketdangsertem osang ka ajanga metetdaktsü.
Item sentong dak alia school tem nung sanitary napkins lemtsü aser survey-a agia liasü.
Iba sentong ya Beti Bachao Beti Padhao omen kübok District Administration aser District Level Centre for Women (Mahila Shakti Kendra) nati senteper ayongzük.
Item sentong agidang rongdak mapang nung tetsürtem nem service balala agütsüba metetdaktsü, aser item service rongnung women helpline 181, Sakhi one stop centre, legal aid services, counseling service aser mapang ajak nung anguba helpline numbers balala densema lir.
Iba dak alia yimtsüngtem nung tetsürtem nem tashi agütsüba welfare, sorkar Schemes/programs, training aser capacity building indang metetdakja liasü.
Amenyong sector Khensa yim, Aliba yim aser Alongchen compound Sungratsu yim nunga tetsürtem hygiene indang awareness agütsüba den külemi tetsürtem nem hygiene kits lemtsüogo.