Tetsür ka tashiyim agi raksatsüsangi la den kibong akümtsü asoshi Dowry Auto ka meshi

Shillong, April 26 (Agencies): Meghalaya, West Garo Hills nung arishi küm 15 tain tebur chanu kait tetsürchau ka tashiyim agi raksatsüba sülen, par yimdak council-i tetsürla den kibong akümtsü asoshi tetuyuba agütsü. Aji saka tanobusangi pa nem auto rickshaw ka magütsüra la den kibong makümtsü, ta ashiba osang ka ajanga metetdaktsü.
Osang ajanga ashiba agi, tetsür chanula school-i oya alidang tanobusang-i kotari kati teneter la dak teim mesüi kongshi tenzük. Iba sülen pai takdang ka nung la shibanga yur anogo asem tashi tashiyim mapa inyak.
Iba sülen pai tetsürlaji lar kinunger kidang toktsü. Iba tatalokba ya March ita ataloka liasü.
Tetsürla tetsüi yimdak council nem iba osang agütsüba sülen council nung züngsemtemi tanobusang dang tetsürla den kibong akümtsü asoshi tetuyuba agütsü. Maneni pai la den kibong kümra temerenshi kecha magütsütsü ta shia liasü.
Aji saka aibelena alisang yagi pa nem auto rickshaw ka malitsüra la den kibong makümtsü ta ashi. Iba sülen tetempang nung tanütsülar kinungertemi police station nung tanobusang anema keno ka benokogo.