Tetsür kati 85 ben mashisa küma sorkar ashioktsü

Karimganj (Assam) September 21 (Agencies): Assam kübok Karimganj district nung sorkar hospital nung inyaker nurse ka tenüng agi Lily Begam Laskar-i ita trok tsüngda kanga mazüngi tanur 85 tashi soa sorkar ashioktsüogo.
Tanur junga sotettsü scheme ajungkettsütsü asoshi Rural Health Centre tem nung tanur asortem nem sorkari tetsü shia nem sen 500 agütsür, aser Laskar-i iba maongka agia 85 ben tashi tiyazü nung mashisa küma sen 40,000 dak tema agiogo.
Iba dak sentakba nung district ketdangser Sarfaraz Haque-i, “Nisung kari osang sangoktsüba sülen onoki iba ya putet. Onoki putetbaji tesüngmangtsüka liasü. Tantsüla jagi la tenüng nung 85 ben tashi taila mashisa aküm,” ta ashi.
September 17, 2015 nü la mapa nungi anentsüogo.
Yashi (Deobar) osangbenertem den jembidang Laskar-i, “Onok ama nurse temi tebilemtsü aiben ajurur. Onoki inyakba mapatem atema onok nem teyari junga magütsür. Ni 80 ben dak tema taila nung mashisa kümogo. Iba asoshiji ni sasa bilemer,” ta ashi.