Tetsür nem shilem lemzükja ULB elections magidaktsütsü : Rengma Hoho

Dimapur, February 10 (TYO) : Nagaland Municipal Act 2006 kübok Nagaland nung tetsür nem shilem 33 lemzükja ULB elections agitsü anema maneni nokdaktsü, kechiyong ibaji Arrla 371A anema lir, ta Rengma Hoho-i tanü sangdong ka nung metetdaktsüogo.
Nagaland nung tang ajurua aliba tensa ya state sorkari telemtetba tai agiba aser meshisadangba ajanga atalokdaktsüba lir. Ajisüaka, sorkari ULB election dak sendakba maparen mali kümdaktsüba pela agizüker, ta February 9, 2017 nü Rengma Hoho senden nung lemtetba osang President, Kenyuseng Tep ajanga metetdaktsü.
State police-i tashiyim mapa inyakdang lanur taküm asem samatsüba aitsür. Asen tarutsü kümzüka ayutsü atema taküm bendanga agütsür kibongtem den asüku lemsateper, ta paisa ashi.
Rengma Hoho-i NTAC aser JCC-i inyakba mapa pela agizüker aser parnok pusema nungiter. Naga nunger ajaki tangatetba tajung nung aser shisadanga iba onük tajungleni angatetteptsü mepishir, ta Kenyuseng Tep-isa sangdong nung metetdaktsüogo.