Tetsür o tebur temoyoktep lasang kashishiba nung India-i silver aben

Wroclaw (Poland), August 16 (Agencies): Deobar nü Archery World Cup Stage 3, Wroclaw nung tetsür o tebur temeyoktep lasang kashishiba nung India nungi Deepika Kumari aser Mangal Singh Champia nati final nung Mexico team makokba ajanga silver medal ang angu.
London Olympics nung silver angur Mexico nungi Aida Roman aser Juan Rene Serrano nati 5-1 ngua India team mela mela koka liasü.
Iba silver medal den gold medal ka zünga tan World Cup Stage 3 asaymung nung India nungeri medal ana angur asütsü.
Abhishek Verma-i Honibar nü kija tarensen nung gold medal ngua liasü.