Tetsür tanur asor tetsürtem nem tetushi agütsü

Dimapur, Mongputeni/October 31 (TYO): Mahila Shakti Kendra (DLCW-MSK), Wokha aser Common Service Centre (CSC) longjemer October 29 aser 30 nü Longsa yimtsüng nung workshop ka ayongzüka agiogo. Iba sentong ya Ministry of Agriculture & Farmers’ Welfare kübok PMKMY scheme aser Ministry of Labour & Employment kübok PMSYM Scheme agizüka amshitsü atema nüburtem nem teyari agütsütsü asoshi ayongzüka agi.
Maneni Beti Bachao Beti Padhao (BBBP) kübok Girl Child Month amungba nüngtem nung October 31 nü Mahila Shakti Kendra (MSK), DLCW Wokha-i achaayanga tetsür tanur asor tetsütem nem tetushi agütsütsü asoshi Wokha Village Sub-Centre (NHM) nung tetushi agütsüba sentong ya ayongzüka agiogo. Iba sentong ya tetsür tanur asor tetsütem ajungmesotsü aser parnok nem tenüngsang agütsütsü aser ano tetsür tanur tekümzükba aser shisaloik ajungkettsü nükjidong nung ayongzük. Sentong nung tetsütem parnok 10-i shilem agiogo aser parnok ajak nem tanur blanket kaka aser health drinks agüja liasü, ta ketdangser sangdong ajanga metetdaktsü.