Tetsür tashiyim agi raksatsüba anendaktsüner:Big B

Mumbai, August 14, 2016 : Meimchir temeten aika atema inyaksang megastar Amitabh Bachchan-i, Independence Day anogomong tenüng nung Linük nung tetsür tashiyim agi raksatsüba nungi nüji kümdaktsüner, ta ashi.
“India-a tashiyim agi tetsür raksatsüba nungi nüji kümdaktsüner,” ta arishi küm 73 tain, Big B-i Tweet asü aser iba mapang pai pa shilem agiba film “Pink” indang poster-a lemsatep.
Iba film nung tetsür asemi shilem agia lir aser film nungji tetsür tashiyim agi raksatsüba ken o jembiba otsü lir.
“Tetsür ka temangji ‘democracy’ masü saka pei sasa yimsü asüba temang ka lir. Anungji joko tetsür teinyaktsü tim inyaktsü mapang tongogo,” ta pai twitter nung zülu.