Tetsür tashiyim agi raksatsüba atema Gujarat BJP lenir ka aitsüogo

Ahmedabad, June 21 (Agencies) : Vadodara, Gujarat nung arishi küm 22 tain, nurse azünger tetsür ka tashiyim agi raksatsüba nung BJP lenir kadak tai tongloktsür tang tebushidak lir.
Jayesh Patel ya Bharatiya Janata Party nungi jentokogo.
Vadodara nung nija institute tenzüksang aser Tir Patel-i tashiyim agi raksatsülaji iba institute nung tezüngdak liasü.
Iba tatalokba dak sentakba nung institute nung aliba tetsür hostel acha ayangla police-i puogo, ta osang ajanga metetdakstü.
Iba case dak sentakba nung FIR-a ka benokogo.
Indian Panel Code (IPC) kübok Sections 376 (rape), 323 (voluntarily causing hurt) aser 506 (criminal intimidation) na kübok Patel anema FIR benoka lir.
Osang ajangasa ashiba agi, Patel anema case benokba mapang pa jena oadok.
Patel-i hostel anasa aliba par kidang oa ni tashiyim agi raksatsü, ta iba tetsür jagi police dang ashi.
Patel-i la nem result tajung den full attendance agütsü ta shia la mesüzüktsü merang, ta iba institute nung azüngertemi ashi.
“Iba mapa tangar nem metetdaktsü nungbo ni college nungi aridoktsü Patel-i amokmeren”, ta laisa police dang ashi.
Vadodara nung Patel ya BJP lenir ka lir. Taoba mapang pa congress den liasü aser  tesüiba mapang Assembly Election nunga anaben tashi toktepogo.