Tetsürtemi ola adoktsü mapang tongogo : Sonakshi Sinha

Mumbai, July 22 (Agencies) : Mapang talangka tetsürtem temeten anema inyakba senzüka yuja aruogo saka tang iba inyakyim anema ola adoktsüla, ta actress Sonakshi Sinha-i ashi.
“Asenoki iba atema ola madoker. Office mesüra public nunga süaka asenoki ola madoker, tetsürtem anema inyakba mapa senzüka toktsür” ta lai ashi.
“Tanü nai iba atema ola madokra, nai kodanga ola madoktettsü. Na bilemba dang nungi na tashitaittiba lir. Joko asenoki ola adoktsüla” ta Sonakshi-i metetdaktsü.
Arishi küm 29 tain Sonakshi-i ‘Akira’ film nung tang shilem tagidak lir aser iba film ya September 2 nü sayatsü sentong lir.
Tetsürtem anema inyakba mapa atema celebrity aikati ola adoker aser parnok rongnung Sonakshi densemogo. Laisa MTV indang Girls on Top sentong nung teyari agütsür.