Teyakyak Khristan Yimsü ~Mathi 28:16-20

Asenoki teyakyak Khristantem aser azümesen Khristantem jembiba tawa tanü kanga bulua jembiba angashir. Iba mapang ya azümesen Khristantem timba ama lir. Arogo nung züngsem aika akümer saka arogo mapa nung temulung agüja inyaker ishika dang adoker. Asenok nem züngdangba yanglutsü magütsü saka züngsem züngdangtsü agütsü. Tebilemtsüji kechi?
Mapa kaji aikati Kibubai mulungba nung Pa tenzüktsüba masü, asenok mapang, küm züngdanga tenzüktsü sapur. Tsüngrem mapa nisunger bilemba aser tashi nung inyaktsü tamakoktsü. Anungji Kibuba mapang nung Pa tenzüktsüji tongtipang ta asenoki angatettsüla. Pa mapangji tejangja. Khristai tongmelang agi iba mapang agütsü: Nenoki oang aser kin ajak nütsüng kümdakjang, Tebur, Techir aser Tanela Temeshi tenüng nung baptijang, Ni nenok dang melaba ajak amshitsü sayuang. Mt. 28:19:20. Tasen Lai Khristan yimsü teyakyak liasü. Parnoki Yisu sayuba ajak amokmeren aser rishikangshi metsübui sayu.
Sarasadem: Temeim Tsüngrem aser Kotaker Tebu, Ne lima nung Khristantemi nendaka mapa inyaktsü Nai aginer ta ni metet. Nai mulungba toktsür kü tejangraba nung tali temulung agütsüba ni nangzüker. Iba merumeru tebilemba kü dang yimlibilema tokang. Iba lima purtem meimtsü aser pelaseta Ne osangtajung parnok den lemsateptsü aser meimtsü kü dang yariang, Yisu tenüng nung. Amen.