Tezpur nung sen crore 250 jenjang Dabur indang manufacturing plant amenoktsü

New Delhi, March 31 (Agencies): Tezpur, Assam nung ali acre 30 nung sen crore 250 jenjang Dabur indang ‘manufacturing facility’ amenoktsü, ta Dabur India Ltd ajanga Brehostibarnü sangdong.
Iba factory ya Balipara Industrial tesem nung yanglutsü aser iba plant nung Dabur indang ayurvedic mozütem, ‘health supplements’, kou mozü ‘shampoo’, ‘toothpaste’, ‘skin care’ aser ‘home care’ ajunga yanglutsü, ta company osang ajanga ashi.
India nung Dabur indang factory 29 aser danga linük kar nung lir, saka Tezpur nung amenokba ya alima ajunga nung aliba factory rongnung tulutiba alitsü, ta company ajangasa ashi.
“Tezpur plant ajanga Dabur indang company renloka aoba aser India nung Fast Moving Consumer Goods (FMCG) shishilembaba terenlok sayur. Aser Assam ya oset balala yangluba tesem tiyongtsü ka kümdaktsütsü nükjidong aliba sayur,” ta Dabur India indang mendenbuba, Anand C. Burman-i ashi.
Dabur ya yoga tesayur nungi shishilembar akümsang, Baba Ramdev indang Patanjali Ayurved Ltd den tesüiba küm ana tashi toktepba mapang nung tajangzük shilem 7.3 agi tajemba aküm.
Iba den külemi demonetisation ajanga shishilembaba nung shilem 6 agi tajemba kümdaktsü, ta company osang ajanga ashi.