Tezülen alir atongba – Kolosi 4:5-6

Mapang tajung kishitem

Mapang tajung alizüka, tesülen alirtem tsütsü shisatsü nung jajaang.
Pauli yangi asenoki mapang tajung ajak amshitsü ashir – kuli asütsü mapang tajung. Asenoki aji mezüdokli. Asenoki osangtajungji mamangertem den lemsateptsüla.
Mapang tajungji teti asenok den malir. Ibai arur aser süia aor. Ibai lemtsü mesük – aruya angur aser süia orbo asenoki tejaklen lemtsü to masü tesülen dang angur. Tanübaji dang asenok meyong. Asüngji asenok den mali. Tanü topur junga, tashi itta aliba ama asüng malitsü akok. Anungji tanü ta ajaba mapang tajungji alangzüktsüla.
Yisu Khrista kuli sürtem ama, asenok nem mapang tajung moatsür. Asenok renema alitsü Kibubai kuli tejangja agütsür. Itemji mapang tajung kichiba lapokba ama arur, shidak jembitsü aser shidak nangzüktsü mapang tajung lapoktsür. Kichibaji lapoka lir aser shibangtsü. Asenok mulungjang nung kechi lir aji ashitsü asenok mapang lir, tasüngdangba nung telangzüba agüjang, anepaluba kuli süba jembiang, idakji mapang aotsü.
Khristai samaa aliba pur atema aria bilemba aser alangzükba temeim agi ajungmesodakja asenok Pa o agi sobua renema alitsüla aser kichiba lapoktsübaji metetta alitsüla. Tanela, shibai asenok anir aser Khrista O tem bilemtetdaktsür iba asoshi asenoki Tsüngrem tenüng sangdi.
Kibuba, kuli asütsü asoshi mapang kichiba lapoktsüba asoshi ni sayuang aser renema alitsü sayuang.