Tezülen atongba – Luke 5:1-11

Nütsüngsüba tendangba

Aser Simoni ashi, Kibuba, ammang tepiyong onoki inyak aser kecha mangu; saka Nai ashiba ama ni zütsüktem aontsü. Luke 5:5.

Simoni pai angashiba nung tamang mekateti liasü. Yisui shidakba orr pa zütsüktem aontsü ashi asü? Pa zütsüktem tapok ateper külen aotsü ashi asü? Aser ammang tepiyong zütsük oner kecha mapuba sülen, Simon tejak koma sür alitsü asenoki yimdangi arur: “Kecha meinyaker! Ni tamachi masü”.
Pai yamaji inyaker ali asübo asenoki ango pur Simon; shiba Peter agi melen, tasü tait nütsüng indang kecha mangashi lila. Pai pa taküm nung mapang tajungji züdoker lila. Ibai lendongbang mapang ka liasü. Yisui nütsüngbaji tendanger tendangtsüsa liasü asü? Pa telangzüba jagi ibaji kuli asür.
Asen Kibubai maneni iba yimya nung tendanger. Pai agütsüba mapaji teti asenoki aginüba ama masür – Pa kulitem asütsü kodang asenoki tsübudir magizüki aotsü melen kidang alitsü bilemra, inyaktsü melen sen dang agütsütsü bilemba, iba ama inyakba aser bilemba jagi nütsüng ka asütsü temsüa mekümdaktsür.
Saka meinyakba tetezü taküm nung mapang tajung zütoker. Peteri iba anogo nung Kibuba o meindokba ajanga iba anogo mapaji tesama maküm. Asenokia yamaji inyaktsü.
Onok nem ajemalu temulungjang aser terenem shisatsü agüjang, temeim Kibur, Ne O nung onok nütsüngsüba tetendangba inyaktsü renema lidakjang, Yisu tenüng nung. Amen.