Tezülen – Mathi 10:17-20

Tanelai Taremzük Agütsür. Aser kodang parnoki nenok o bendangdaki anidir, aser nenok bendanga agütsüdir, nenoki kechi jembitsü mapang matongdang terata. Saka iba mapang nungji nenok nem kechisa agütsüdir, aji nenoki jembiang; kechiaser tejembibaji nenok masü, saka Tanela Temeshi. Mark 13:11
Iba tekong aikati azünger aser sayutsüngir saka ya zülu dang kü mulung nung atangji Yisui ashiba ama tamang asoshi timtem rishikangshi aru nung kwikati aremtsü renema alitsü? ta asüngdanga zülu. Tanela Temeshi-i taremzük agütsütsü ta kwikati amanger – aremzüker – nangzüker aser aremzüker.
Khrista tenüng nung aremzükbaji sempet ka lir. Tanela Temeshi shibai temenen nungi temulung meyipa anogo nung asen nüngdak ajak agütsü, kodang chubatemi, yimsüsürtemi Khrista magizüktsü indang jembidir Tanelai taremzük sempet peria agütsütsü. Yisuji atangji Kibur, shibai tasü madak takok angu. Pai nüngdakra tasütsü tsübuba makai kümdaktsütsü anungji asenoki metsübui Pa tenüng nangzüktsüla. Iba tenangzükbaji Par chirtem nem taküm bener arutsüba nok-o-nü aser chubatem aser yimsüsürtemi anema jembidang Pa nüburtem nem tashi agütsüba lir. Pai agütsüba taremzük taküm aser Pa taochi ajanga asenoki Pa tenüng nangzükba tatem tashi alitsü.
Kibuba Yisu, Ne Tanela Temeshi ajanga Nai onok nem taremzük aser tashi agütsütsü nangzükba nung onok mulung sünepjang. Amen.