Tezülen : Rom 5:12-17

Nisung ka temenen agi pa ajanga tasübai yimsü süra, iba dang tali, taochi tulu aser temeshiba sempet agizükertemi.. Yisu Khrista ajanga taküm nung yimsü asütsü. Rom 5:17
Kija ka dak tajung mesüra tamajung asoshi tashi koda ka akar! Adami Tsüngrem dang tashi manga, aser meimchir atakatem. Noahi tashi anga meimchir wazüka ayu.  Mosai sarasadem aser kin rangpen kümzük.  Dawidi Goliat tepset aser Israel armyi tongpangji akok.
Nisung ka dak tongtipangtiba tashi akabaji Yisu Khrista. Adami alima dangi temenen aser tasüba bener aruba ama, Yisui tatokba aser taküm bener aru. Asenoki Yisu dak dang amangra Tsüngremi asenok agizüker aser asenok teti tatem maka taküm angutsü nangzüker.
Asenok Yisu, Noah, Mosa aser Dawid den saku masü. Asenoki asüngdangtsü akok, “Ni kechi balaka asütsü akok?” Shibai zülu pai telangzüba tajung agütsür. “Ni dang, ni ajak inyaktsü aser ni langkabo inyaktettsü. Aser Tsüngrem taochi agi ni kechi inyaktsü akoker ni inyaktsü.”
Asenok shinga zütoktsü makok. Ajak tongtipang lir. Temeim mapa kar asenoki meinyakra kodanga meinyaktsü.   Kija alir ka dangbo shingaia kodang Tsüngrem temeim indang mashiba lir aser Yisu makar kar asenoki parnok maja tashi Yisu dak mamangtsüba pur lir. Asenok meketa alir tanela asenok akasodaktsüdi aser tajungba inyaktsü ajungshidi, teimla kaa aser pelaa alitsü ajungshidi.
Kibuba Yisu, Nai ni atema temenen aser tasüba madak takok angu. Tanü ni tajung inyaker ka südakjang. Amen.