Tezüleni aoba (Outreach)

Ano adianutem, Kü dangji kechi adok aji agi osangtajungji taliang ayimsünga aküm ta, Ni nenok nem metetdaktsüner. Filipi 1:12

Aiben asenoki Tsüngremi kechi atalokdaktsütsü memeteter. “Pai kechi inyakner?” ta asüngdanger.
Tensa tia asenoki metetta mali nung asenoki sentong ka yangludang kechi “asütsüar memetet” ta jembir. Ken asenoki Tsüngremi asen sentong nung tetsükdaktsü agütsür ta bilemer.
Pauli osangtajung sangdongba asoshi pa pur tepuokdak ayubaji osangtajung sangdongba nung noktaker ama bilemer alitsü akok. Saka Tsüngremi osangtajung sangdongtsü asoshi lenmang ana lapokba pai meteta aru: 1) Sepaitem shirnoki Pa nüka liasü parnoki Pa kuli ajanga osangtajungji metetta aküm aser 2) Pauli kuli asüba ajanga tangari tejakleni arua Yisu asoshi kuli asütsü tasü itta kümdaktsü. Parnok tebilemba temeyoktep süaka (karbo pei atema bilemba), Yisu Khrista nung osangtajung tejakleni aotsü Tsüngremer sentong ataloka ao.
Tanüa Tsüngremi osangtajung osang prokshia aotsü atema Tsüngremi Pa mulungba lenmang nung inyakang.
Oba, Ne chir, kü Kümtetdakba, Yisu dak amangtsü tangar anir arutsü Ne sentong nung Nia shilem ka ama amshiang. Amen.